Ва Украіне "за мужнасць і адвагу" ўзнагародзілі беларускага дэсантніка
Беларускі дэсантнік з пазыўным "Рыжы" / t.me/beldesant/
Камандзір 79-й асобнай дэсантна-штурмавой брыгады Узброеных сіл Украіны ўзнагародзіў лепшых дэсантнікаў, сярод якіх апынуўся беларус. Гэта баец беларускай 1-й Асобнай дэсантна-штурмавой роты з пазыўным "Рыжы". Ён быў узнагароджаны нагрудным знакам "за праяўленую мужнасць і адвагу на полi бою". Пра "Рыжага" вядома, што ён камандуе штурмавой групай.
Байцы беларускай роты пішуць, што яны "рады быць часткай легендарнага злучэння і разам набліжаць перамогу".
Беларуская рота ў складзе 79-й брыгады ваюе супраць расійскіх акупантаў пад Мар'інкай на Данбасе. Пра існаванне гэтага падраздзялення стала вядома ў чэрвені 2023-га. Рада БНР на Дзень беларускай вайсковай славы ўзнагародзіла шэсць яго байцоў медалямі "За баявыя заслугі".
