У Веткаўскім раёне мост не вытрымаў цяжар грузавіка
На месцы здарэння / vetkagolos.by
У аграгарадку Навасёлкі ў Веткаўскім раёне Гомельскай вобласці мост не вытрымаў цяжар грузавіка — праламалася адна з пліт перакрыцця. Як піша газета "Голас Веткаўшчыны", здарэнне адбылося ўначы 28 чэрвеня. Рух быў заблакаваны, транспарт адпраўляюць у аб'езд (акрамя спецтранспарту). Каб "эвакуяваць" фуру, з Гомеля выклікалі магутны кран. Мяркуецца, што наступствы аварыі ўдасца ліквідаваць на працягу сутак.
Згаданы мост знаходзіўся на рамонце.
Сітуацыю з мостам у сераду разглядала камісія па надзвычайных сітуацыях у Веткаўскім райвыканкаме. Яна паставілі задачу "максімальна аператыўна аднавіць рух".
Праблема з мастамі ў Беларусі вельмі актуальная. На іх рамонт не хапае сродкаў, а атрымаць іх на Захадзе, як рабілі раней, немагчыма з-за санкцый.
vetkagolos.by
vk.com
