У Полацку знеслі недабудаваны радзільны дом
Радзільня пайшла пад знос / vk.com
У Полацку зраўнялі з зямлёй недабудаваны радзільны дом, піша тэлеграм-канал “Белыя Халаты”.
Радзільня павінна была складацца з двух будынкаў: у тры і чатыры паверхі, агульнай плошчай — 14,5 тысяч квадратных метраў і прымаць адначасова да 80 парадзіх.
Планавалася, што будаўніцтва скончыцца ўжо ў 2013 годзе. Але нешта пайшло не так, і пасля некалькіх пераносаў праект замарозілі. Днямі пачаліся працы па зносе аб'екта.
Чыноўнікі заявілі, што ўзвядзенне радзільнага дома з часам стала немэтазгодным.
