У Наваполацку закрываюць мост праз Дзвіну: з-за дэфектаў ён можа абрынуцца

У Наваполацку з 18 чэрвеня закрываюць мост праз Дзвіну па вуліцы Калініна для руху ўсіх відаў транспарту. Пра гэта заявіў першы намеснік старшыні Полацкага райвыканкама Сяргей Лейчанка, паведамляе gorod214.by. Апублікаваны дакумент з вынікамі абследавання моста, якое нядаўна праводзілася.

"...Быў выяўлены шэраг дэфектаў, якія зніжаюць грузападымальнасць і даўгавечнасць збудавання, — гаворыцца ў ім. — Стан пралётных пабудоў кваліфікуецца як перадаварыйны і далейшае развіццё дэфектаў можа прывесці да абвальвання...".