У Чачэрску рамантавалі дарогу — і затапілі вуліцу
Жыхары Чачэрска скардзяцца на патоп / checherskivestnik.by
Жыхары вуліцы Калгаснай у Чачэрску апошнімі днямі перажываюць сапраўдны патоп, піша "Чачэрскі веснік".
Людзі скардзяцца, што пасля дажджоў вада затапіла падвалы, двары, гаражы і прысядзібныя ўчасткі.
Прычынай патопу, як выявілася, стаў рамонт дарогі. Да рамонту праезнай часткі ад вады абараняла штучная перашкода з асфальтабетону, а цяпер яе няма. Акрамя таго, надземны вадасцёк забіла смеццем.
