Больш за 100 тыс. мінчан адмовіліся ад папяровых жыровак
А ваша жыроўка ўсё яшчэ ў паштовай скрыні? / pixabay
Больш за 130 тысяч жыхароў Менска адмовіліся ад папяровых жыровак у паштовых скрынях, піша "Мінск Навіны". Яны вырашылі, што хочуць атрымліваць паведамленні ў электронным выглядзе.
І кожны месяц яшчэ 3,5 тысячы чалавек пераходзяць на электронныя жыроўкі.
Але ж усяго Цэнтр інфармацыйных тэхналогій Мінгарвыканкама абслугоўвае больш за 850 тыс. асабовых рахункаў. Гэта значыць, большасць жыхароў Менска, якія плацяць камуналку, усё яшчэ па-старому аддаюць перавагу папяровым жыроўкам.
Дарэчы, электронныя жыроўкі прыходзяць раней, чым папяровыя. Так што калі вы ўсё яшчэ стаіце на рэтраградскіх пазіцыях — падумайце.
