Швейцарскі часопіс прысудзіў Наталлі Хершэ прыз за мужнасць
Прэмія швейцарскага часопіса Beobachter "Мужнасць 2022" прысуджаная былой палітзняволенай Наталлі Хершэ, якая правяла 17 месяцаў у зняволенні ў Мінску. Памер узнагароды — 15 000 швейцарскіх франкаў.
"Beobachter і яго чытачы маюць намер аддаць даніну павагі "бясстрашнай прыхільнасці справе барацьбы з самаўпраўствам дзяржавы". Хершэ правяла 40 дзён у маленькай камеры без ацяплення, але "засталася вернай сваім каштоўнасцям". Яна магла б папрасіць у Лукашэнкі памілавання, каб скараціць тэрмін, але не зрабіла гэтага, лічачы, што не зрабіла нічога дрэннага", — цытуе часопіс выдавецкую групу Ringier Axel Springer.
Наталля Хершэ выйшла на волю ў лютым 2022 года.
