Зборная Беларусі па футболе страціла тры пазіцыі ў рэйтынгу FIFA
У абноўленым рэйтынгу FIFA нацыянальная зборная Беларусі па футболе страціла тры пазіцыі і апусцілася на 81-е месца. У мінулым месяцы дружына Ігара Крывушэнкі прайграла два матчы адбору на чэмпіянат Еўропы — 0:4 зборнай Галандыі і 1:2 зборнай Паўночнай Ірландыі.
Лідары рэйтынгу ранейшыя — Бельгія, Францыя і Бразілія.
8 чэрвеня беларуская зборная прыме на "Барысаў-Арэне" зборную Германіі.
