Беларускія футбалісткі не змаглі дагуляць матч у Чарнагорыі
Жаночы футбол пад моцным дажджом / t.me/wfbelarus/
Беларускія футбалісткі не змаглі дагуляць матч у Чарнагорыі. Яго перарвалі ў сярэдзіне першага тайма праз моцны дождж, паведамляе тг-канал "Жаночы футбол Беларусі".
У панядзелак жаночая зборная Беларусі сярод дзяўчат да 17 гадоў стартавала ў 2-м раўндзе адбору чэмпіянату Еўропы. Першым сапернікам была зборная Андоры. Гульня праходзіла на стадыёне "Таполіца" ў чарнагорскім горадзе Бар. Беларускі выйгравалі з лікам 3:0, калі матч на 26-й хвіліне прыпынілі. Але дождж быў такі моцны, што ў выніку было прынята рашэнне аб яго пераносе на аўторак.
t.me/wfbelarus/
