Вячорка збіраецца выставіць свой гадзіннік за $5 тысяч на дабрачынны аўкцыён

Франак Вячорка збіраецца выставіць свой гадзіннік за $5 тысяч на дабрачынны аўкцыён. Атрыманыя грошы ён абяцае перадаць на падтрымку палітвязняў. Пра гэта дарадца Святланы Ціханоўскай заявіў у пятніцу ў эфіры Еўрарадыё. 

Гадзіннік Omega Seamaster Planet Ocean у Вячоркі заўважыў "Белсат". У сацсетках выбухнуў скандал. Гаворка ішла пра "элемент карупцыі" і "спробы лабіравання інтарэсаў". Франак Вячорка кажа, што гэта падарунак ад сябра, атрыманы ў 2020 годзе. І ён быў зроблены "да таго, як былі створаны Офіс і Кабінет", да таго, як ён "заняў нейкую пасаду". Вячорка не бачыць у гэтай сітуацыі ніякай праблемы і лічыць, што яму "няма за што выбачацца".