Віцебскі астраном-аматар адкрыў звышновую зорку

Чарговае адкрыццё здзейсніў віцебскі астраном-любіцель Віталь Неўскі. У сваёй абсерваторыі, якую ён збудаваў на лецішчы, Неўскі ў красавіку злавіў у аб’ектыў… звышновую зорку.  Заўважыў яе астраном 10 красавіка, а неўзабаве кансіліўм навукоўцаў з розных краін канчаткова вызначыў статус зоркі, адкрытай Неўскім. Гэта сапраўды звышновая, да таго ж надзвычай рэдкага кшталту. Дарэчы, гэта першы выпадак ў нашай краіне, калі звышновая была адкрыта астраномам-аматарам.

Віталь Неўскі ў мінулым годзе адкрыў астэроід, які назваў у гонар свайго настаўніка, выкладчыка астраноміі Віцебскага дзяржуніверсітэта Ўладзіміра Голубева.