Украіна забараніла імпарт беларускай электраэнергіі
Украіна забараніла імпарт беларускай электраэнергіі (як і расійскай) да 1 кастрычніка 2021 года. Такое рашэнне прыняла нацкамісія, якая здзяйсняе дзяржаўнае рэгуляванне ў сферы энергетыкі. Пра гэта піша ў Telegram дэпутат Вярхоўнай Рады Украіны, кіраўнік міжфракцыйнай групы "За дэмакратычную Беларусь" Аляксей Ганчарэнка. Пастанова ўжо дзейнічае.
Кіраўнік нацкамісіі Валерый Тарасюк не выключае, што забарона ў кастрычніку будзе працягнута. Паводле яго слоў, ад пачатку гэта ініцыятыва Мінэнергетыкі, якое бачыць у такіх пастаўках небяспеку для энергетычнай бяспекі Украіны.
Украіна — адзіная краіна, якая сёлета набывала электрычнасць з Беларусі.
