У Пецярбургу другі раз за месяц мытнікі знайшлі тону какаіну
Так выглядала першая знаходка тоны какаіну / Мытная служба Расіі
У Вялікім порце Санкт-Пецярбурга расійскія мытнікі выявілі буйную кантрабанду наркотыкаў, паведамляе прэс-служба ведамства. Агульная маса наркотыкаў склала 1200 кг.
"Пры сканаванні кантэйнера з Бельгіі інспектары заўважылі дзіўныя ўкладанні: сярод мяшкоў з кавай былі раскіданыя брыкеты з белым парашком. Экспертыза паказала, што гэта какаін. Мытнікі пачалі крымінальную справу", — заяўляюць у Мытнай службе Расіі.
Дарэчы, у студзені гэта ўжо другі выпадак, калі ў пецярбургскім порце выяўляюць какаін у такіх маштабах.
10 студзеня больш за тону какаіну знайшлі ў кантэйнеры з Нікарагуа.
