У Белавежскую пушчу шукаюць Дзеда Мароза — абяцаюць інтэрнат
Рэзідэнцыя Дзеда Мароза ў Белавежскай пушчы адкрыта круглы год / npbp.by
У Нацыянальным парку "Белавежская пушча" адкрыта вакансія Дзеда Мароза. Адпаведная аб'ява з'явілася на сайце парку.
Гэтую пасаду гатовыя даверыць мужчыну з сярэдне спецыяльнай або вышэйшай адукацыяй. Патрэбны стаж па спецыяльнасці — не менш за два гады.
Прэтэндэнтаў спакушаюць заробкам ад 1000 рублёў і абяцаюць інтэрнат.
Работнікі культуры — а Дзеда Мароза шукаюць на пазіцыю "культуролаг" — традыцыйна застаюцца аднымі з самых нізкааплатных работнікаў у Беларусі. Зрэшты прапановы па зарплаце на дзве другія вакансіі ў Нацыянальным парку яшчэ больш сціплыя: рабочаму па комплексным абслугоўванні будынкаў і збудаванняў гатовыя прапанаваць 600 рублёў, майстру цэха па перапрацоўкі драўніны — 800 рублёў.
