У Бабруйску журналіста асудзілі на 15 сутак: "прапагандаваў не тыя навіны"
Раней Дзяніса Носава ўжо затрымлівалі / bobruisk.ru
Журналіста "Вечернего Бобруйска" Дзяніса Носава асудзілі на 15 сутак адміністрацыйнага арышту. На відэа сілавікоў мужчына кажа, што з 2020 года дасылаў сваім сябрам спасылкі на "экстрэмісцкія рэсурсы". Калі пачалася поўнамаштабная вайна ва Украіне, ён падпісаўся на "экстрэмісцкія" тг-каналы, каб "быць у курсе падзей".
Сілавікі пішуць, што затрыманне (яно адбылося тыдзень таму) праводзілі аператыўнікі з Магілёва. Яны абураныя, што журналіст "прапагандаваў не тыя навіны".
Раней Носава неаднаразова затрымлівалі, у яго праводзілі ператрусы.
