Сетка кнігарняў "Белкніга" скасоўвае дамовы з недзяржаўнымі выдавецтвамі
Кнігарня / Еўрарадыё, ілюстрацыйны здымак
Дзяржаўная "Белкніга" разрывае дамовы з выдавецтвамі "Янушкевіч", "Кнігазбор" і "Галіяфы". Пра гэта ў Фэйсбуку паведаміла выдавецтва "Янушкевіч".
"Мноства нашых кніг, якія мы даўно нікуды не пастаўляем, можна яшчэ знайсці ў кнігарнях "Белкнігі", асабліва ў рэгіёнах. Паспяшайцеся, бо хутка іх там не будзе!" — падкрэсліваюць у выдавецтве.
"Белкніга", бадай, адзінае месца ў невялікіх гарадах Беларусі, дзе можна набыць літаратуру. Цяпер месца беларускіх кніг, відаць, зойме расійская прадукцыя.
