Расія перакідвае ў Беларусь каля 170 танкаў і да 200 баявых машын
Танкі ў Мінску / Еўрарадыё, ілюстрацыйнае фота
Стала вядома, колькі вайсковай тэхнікі прыбудзе з Расіі ў Беларусь у рамках рэгіянальнай групоўкі войскаў.
Гаворка ідзе пра 170 танкаў, да 100 гармат і мінамётаў калібрам больш за 100 мм і да 200 баявых машын. Такую лічбу назваў начальнік Дэпартамента міжнароднага ваеннага супрацоўніцтва — памочнік міністра абароны па пытаннях міжнароднага ваеннага супрацоўніцтва Валерый Равенка.
"Агульная колькасць да прыбыцця ў РБ складзе да 9000 асабовага складу, каля 170 танкаў, да 200 баявых браніраваных машыны і да 100 гармат і мінамётаў калібрам больш за 100 мм", — пералічыў ён.
Таксама ён заявіў, што рашэнне аб разгортванні рэгіянальнай вайсковай групоўкі "прынятае і рэалізуецца выключна для ўзмацнення абароны межаў Саюзнай дзяржавы".
Пра такое разгортванне рэгіянальнай групоўкі Аляксандр Лукашэнка заявіў 10 кастрычніка. Учора стала вядома, што расійскія вайскоўцы ўжо прыбываюць у Беларусь.
Из брифинга с ВАтт.
— Валерий Ревенко (@Revenka_Valery) October 17, 2022
Общая численность к прибытию в РБ составит до 9000 л/с, около 170 танков, до 200 ББМ и до 100 орудий и миномётов калибром более 100 мм
