Раптоўна памёр міністр транспарту Беларусі
Аляксей Аўраменка / БЕЛТА
На 47-м годзе жыцця раптоўна памёр міністр транспарту і камунікацый Беларусі Аляксей Аўраменка, піша БЕЛТА. Пра прычыны смерці не паведамляецца.
З 2016 года Аўраменка працаваў першым намеснікам міністра транспарту, у 2019 быў прызначаны міністрам.
Апошнім часам Аляксандр Лукашэнка быў незадаволены станам беларускіх дарог. Пасля ўвядзення санкцый супраць Беларусі апынуліся недаступныя сродкі на рэканструкцыю дарог, якія вылучаліся ў рамках еўрапейскіх праектаў. У канцы 2021 года Аўраменка распавядаў, што грошы на рамонт будуць шукаць у Кітаі і ў Еўразійскім Банку развіцця. Аднак сёлета Лукашэнка назваў праблему дрэнных дарог "пытаннем пытанняў" і запатрабаваў усё адрамантаваць да канца года.
