Прыватным лабараторыям Беларусі забароняць рабіць ПЛР-тэсты на COVID-19
Тэставанне на каронавірус / Ілюстрацыйнае фота pixabay.com
Прыватныя лабараторыі пазбаўляюць права рабіць ПЛР-тэсты на COVID-19. Зрабіць такі тэст у недзяржаўным медцэнтры можна толькі да 30 траўня. Пасля — толькі ў дзяржаўных установах.
Гэта робіцца, як растлумачылі ў прэс-службе Міністэрства аховы здароўя, "з мэтай аптымізацыі лабараторных ПЛР-даследаванняў і цэнтралізацыі назірання за пацыентамі на амбулаторным этапе".
Платны ПЛР-тэст для выезду за мяжу таксама можна будзе зрабіць у дзяржлабараторыях. Іх 53 па ўсёй краіне, нагадалі ў ведамстве.
