Перад акцыяй пратэсту ў Мінск з'язджаецца ваенная тэхніка
Спецтэхніка ў Мінску / Telegram
Сёння — 113-ы дзень пратэстаў у Беларусі. У Мінску чакаецца нядзельная акцыя пратэсту, а сілавікі з самай раніцы пачалі да яе рыхтавацца. На вуліцах сталіцы — ваенная тэхніка і аўтобусы з сілавікамі.
Аўтазакі, вадамёты, "рубяжы" занялі звыклыя месцы ля Плошчы Незалежнасці. Таксама ваенная тэхніка заўважаная на праспекце Пушкіна і каля цырка. Па традыцыі абгароджана Стэла і галоўныя плошчы сталіцы — Незалежнасці і Кастрычніцкая.
Калону "рубяжоў" і вадамётаў сёння суправаджалі грамадзянскія аўтамабілі з чырвона-зялёнымі сцягамі. Маральна падтрымаць сілавікоў сабралася таксама невялікая група прыхільнікаў улады ў раёне Уручча.
Слухачы Еўрарадыё паведамляюць, што ў Малінаўцы ў дамах у раёне цэнтра мірнага адключылі святло, не працуюць роўтары. Значыць, у жыхароў не будзе не толькі мабільнага, але і хатняга інтэрнэту.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.