Падчас святкавання Дня Перамогі ў Мінску ў неба запусцілі чырвона-зялёныя шары
Чырвоныя і зялёныя паветраныя шарыкі ўзлятаюць ў паветра / TUT.by
Падчас святкавання Дня Перамогі 9 мая ў Мінску на плошчы Перамогі запусцілі чырвона-зялёныя шарыкі.
Напярэдадні мінчане запусцілі пецытыю, якую падпісалі каля дзвюх тысяч чалавек, з просьбай адмяніць запуск. А Мінпрыроды рэкамендавала прыдумаць альтэрнатыўны варыянт святочнай праграмы.
Нагадаем, на мінулым тыдні стала вядома, што ДУ "Мінскканцэрт" плануе на святкаванні Дня Перамогі запусціць чатыры тысячы паветраных шароў з геліем. Гэта выклікала абурэнне ў грамадстве.
"Запускаць паветраныя шары вельмі шкодна і небяспечна для навакольнага асяроддзя і для жывёл! Пасля падзення паветраных шароў на зямлю або ў ваду ў навакольнае асяроддзе вылучаюцца Палімеры. Жывёлы і птушкі блытаюцца ў стужках і нітках, якімі завязваюць шары, блытаюць падалі шары з ежай і, як следства, гінуць. ... Нельга дапусціць такой безадказнасці! Можна выказаць павагу свята Перамогі без шкоды і кучы смецця, запушчанай у неба!" — так гаварылася ў петыцыі.
Чыноўнікі здавалася б прыслухаліся і накіравалі ва ўпраўленне культуры Мінгарвыканкама такую рэкамендацыю.
Але ў выніку праблему ўсё ж праігнаравалі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
