Ціханоўская выступіла са зваротам да Дня Перамогі
Аляксандр Лукашэнка 9 траўня быў у Маскве — не змог адмовіць Уладзіміру Пуціну / belta.by
Святлана Ціханоўская выступіла са зваротам да Дня Перамогі. Яна адзначыла, што краіны-ўдзельніцы вайны выкарысталі гэтую дату, як стартавую кропку, "для таго, каб больш не ваяваць, а будаваць квітнеючыя і развітыя дзяржавы". "І толькі дыктатары выкарыстоўвалі яе для таго, каб загразнуць у крызісе і пачаць новую жахлівую вайну", — кажа палітык. У выніку намаганнямі дыктатараў "Дзень Перамогі з дня "ніколі больш" ператварыўся ў кашмарнае "можам паўтарыць".
Ціханоўская падкрэслівае, што беларускі народ мае выбар далейшага шляху развіцця: "Рэпрэсіі, войны, крызіс, міжнародныя ваенныя злачынствы, перапісванне гісторыі, вымыванне лепшых спецыялістаў — ці ўсё ж такі свабода, інтэграцыя ў еўрапейскую эканоміку, рост узроўню жыцця, годныя зарплаты і пенсіі, магчымасць свабодна падарожнічаць па свеце, інвестыцыі ўсяго цывілізаванага свету ў нашу краіну".
Victory Day should be used to honor all who died defending our lands from Nazis. It is painful to watch how Putin & Lukashenka are trying to rewrite history to justify their own evil. But I know that this evil will also be defeated & we will have a new Victory Day to celebrate. pic.twitter.com/9WoGCEcBCY
— Sviatlana Tsikhanouskaya (@Tsihanouskaya) May 9, 2023
