Некалькі мікрараёнаў Оршы засталіся без ацяплення
Аварыя на цепламагістралі пакінула без ацяплення некалькі мікраранаў Оршы, паведамляецца ў ТГ-канале "Віцебскэнерга".
Здарэнне адбылося ў 17:00 ў раёне вуліцы Савецкай. Рабочыя займаюцца рамонтам цепламагістралі дыяметрам 630 мм.
Але без ацяплення часова засталіся мікрараёны "Чаромушкі", "Усходняя", "Цэнтр", "Астроўскага", "Свярдлова", "Паўночны" і часткова — жылы пасёлак ільнокамбіната.
У "Віцебскэнерга" заяўляюць, што жыхароў мікрараёнаў аператыўна пераключаюць на раённую кацельню "Орша-Усходняя".
За апошнія дні гэта не першае паведамленне пра аварыі на цеплавых магістралях у розных гарадах Беларусі. Напрыклад, нядаўна ў Жлобіне аварыя трубаправода пакінула без цяпла 2 школы, 8 садкоў і 86 шматкватэрных дамоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.