Надвор'е на панядзелак 5 верасня: замаразкі ноччу і +20 — удзень
Пачатак восені ў Мінску / Еўрарадыё
У панядзелак 5 верасня на тэрыторыі Беларусі чакаецца пераменная воблачнасць, без істотных ападкаў, паведамляе Рэспубліканскі цэнтр па гідраметэаралогіі, кантролі радыёактыўнага забруджвання і маніторынгу навакольнага асяроддзя Мінпрыроды.
Уначы і раніцай у асобных раёнах магчымы туман. Вецер будзе паўночным і паўночна-заходнім — ад слабога да ўмеранага. А вось тэмпература паветра здзівіць.
Уначы ў некаторых раёнах сіноптыкі абяцаюць замаразкі да -2-х. У цэлым начная разбежка тэмператур уражвае: ад +1 +7 на поўначы краіны да +8 +10 на поўдні. Днём па краіне будзе ад 12 да 18 цяпла. Па паўднёвым захадзе — да +20-ці.
Сіноптыкі таксама папярэджваюць аб надзвычайнай пажарнай небяспецы (5-га класа) на тэрыторыях Мінскай і Гомельскай абласцях, якая будзе захоўвацца ў найбліжэйшыя дні.
