Маск прапанаваў плаціць за "сінюю птушачку" ў Twitter 8 долараў у месяц
Новы ўладальнік Twitter Ілан Маск прапанаваў плаціць за "сінюю птушачку", якая пацвярджае сапраўднасць уліковага запісу, $8 у месяц. Ён піша, што скардзіцца няма сэнсу — "кошт застанецца на ўзроўні васьмі долараў".
Раней анансавалася, што за спецыяльную падпіску Twitter Blue давядзецца плаціць 19,99 долара. Але пасля дыскусіі з пісьменнікам Сцівенам Кінгам Ілан Маск зменшыў суму. Бізнесмен адзначае, што платная падпіска дазволіць карыстальнікам атрымаць прыярытэт у пошукавай выдачы і адлюстраванні іх адказаў, публікаваць доўгія ролікі і ўдвая скараціць прагляд рэкламы.
Маск стаў уладальнікам кампаніі ў кастрычніку. Ён заплаціў за яе 44 млрд долараў. Новы ўладальнік распусціў савет дырэктараў Twitter і застаўся адзіным дырэктарам кампаніі.
Twitter’s current lords & peasants system for who has or doesn’t have a blue checkmark is bullshit.
— Elon Musk (@elonmusk) November 1, 2022
Power to the people! Blue for $8/month.
