Лукашэнка змяніў камандаванне Ваенна-паветранымі сіламі і войскамі СПА
29 снежня Аляксандр Лукашэнка правёў кадравыя перастаноўкі ў камандаванні Ваенна-паветранымі сіламі і войскамі супрацьпаветранай абароны, перадае БЕЛТА.
Ён звольніў генерал-маёра Сяргея Труса з пасады начальніка Галоўнага штаба — першага намесніка камандуючага Ваенна-паветранымі сіламі і войскамі супрацьпаветранай абароны ў запас. Пры гэтым Трусу пакінутае права нашэння ваеннай формы адзення і знакаў адрознення.
На яго месца прызначаны генерал-маёр Андрэй Гурцэвіч, які раней займаў пасаду намесніка камандуючага ВПС і войскамі СПА.
Новым намеснікам камандуючага ВПС і войскамі СПА прызначаны палкоўнік Дзмітрый Міхалап.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
