Лукашэнка пра кошты на лекі: "жастачайшым" чынам спыняць людзей

Ён заявіў, быццам ніхто з уладальнікаў аптэк не ахвяраваў на лячэнне ад кавіду — гэтым, маўляў, займалася толькі дзяржава. "Ніхто, толькі дзяржава. Ужо мільярд долараў на гэта з усіх крыніц краіна выдаткавала. Што, хтосьці прыйшоў з уласнікаў аптэк і іншых нейкія грошы даў? Ніхто не даў", — заявіў .

Між тым, у 2020 годзе ў Беларусі дзейнічала добраахвотніцкая кампанія “ByCovid-19 — дапамога лекарам у Беларусі”. Дзяржава не спраўлялася з эпідэміяй, таму на дапамогу лякарням і паліклінікам ахвяравалі як прадпрымальнікі, так і звычайныя людзі. Кампанія згарнула сваю працу па палітычных прычынах: калі ў дзяржавы ёсць грошы на закупку вадамётаў і міліцэйскага спецтранспарту, то павінны знайсціся і на медыцынскія патрэбы.

Акрамя таго, Лукашэнка прыгразіў пакінуць у Беларусі толькі дзяржаўныя аптэкі.

"Ну, у нас 50% дзяржаўных аптэк, 50% прыкладна прыватных. Калі ў прытомнасць не прывядзем прыватнікаў, ну што ж, тады будуць працаваць дзяржаўныя аптэкі. Але мы не можам дазволіць нажывацца на здароўі людзей", — заявіў ён.