Ліцэй БДУ назавуць у гонар "Жалезнага Фелікса"? Вось што кажуць у адміністрацыі

Каб зразумець, ці ёсць сэнс запісвацца і прыходзіць са сваімі прапановамі, удакладняем, ці праўда, што ліцэй збіраюцца назваць у гонар "Жалезнага Фелікса". Можа быць, усё ўжо даўно вырашылі?

У прыёмнай нервуюцца:

— Мы не шукаем імя для ліцэя.

— То-бок яго не назавуць у гонар Дзяржынскага?

— У мяне няма кампетэнцыі з вамі размаўляць. Скажам так, нічыёй парады тут ніхто не чакае. Таму калі ў вас ёсць жаданне паразмаўляць, нешта прапанаваць або выказаць — прыязджайце.

— Калі планаў няма, мы не прыйдзем. Што за сакрэт такі?

— Значыць так, гэтае пытанне пастаўленае перад калектывам. Ці будзе пераймяноўвацца ліцэй, ці не — невядома. Я не ведаю, які працэнт людзей падпісаўся, які — устрымаўся, — нарэшце адказвае суразмоўніца з прыёмнай.

Калі ў выпускнікоў ёсць уласныя ідэі, імем каго можна было б назваць ліцэй, ці вы хочаце абмеркаваць магчымае рашэнне, дырэктарка Таццяна Мамчыц гатовая прыняць вас 12 сакавіка ў 9:00.

Увага! Трэба загадзя патэлефанаваць і запісацца на гэты прыём па тэлефоне: 209 52 65.