Каб тэрмінова дабрацца да сваёй дзяўчыны, жыхар Магілёва ўзламаў сем аўто

Жыхару Магілёва тэрмінова спатрэбілася машына, і ён вырашыў "пазычыць" яе ў незнаёмых людзей. У той вечар мужчына перапісваўся з дзяўчынай, прыраўнаваў яе і вырашыў да яе паехаць. Дзяўчына ў той момант знаходзілася ў іншай краіне. Ні пашпарта, ні правоў пры гэтым у мужчыны не было. Але гэтыя абставіны яго не спынілі, распавядаюць супрацоўнікі магілёўскай міліцыі.

У аператыўна-дзяжурную службу аднаго з РУУС горада звярнуліся адразу некалькі ўладальнікаў аўтамабіляў. Іх машыны хтосьці спрабаваў скрасці — узламаў, спрабаваў завесці, але кінуў адкрытымі. Гэтым невядомым і аказаўся раўнівы жыхар Магілёва. Яму 30 гадоў, ён нідзе не працуе, у той момант быў выпіўшы. Мужчына паспеў пашкодзіць сем аўто. Шэсць з іх не змог завесці , а ў сёмым заглух матор.

Супраць мужчыны завялі крымінальную справу.