Хэнлан прыляціць у Мінск у суботу
Галоўны трэнер нацыянальнай зборнай Беларусі па хакеі Глен Хэнлан прыляціць у Мінск 10 жніўня. У той жа дзень ён пачне выконваць свае абавязкі.
З кіраўніцтвам Федэрацыі хакею Хэнлан канчаткова зацвердзіць план падрыхтоўкі нацыянальнай каманды да чэмпіянату свету 2014 года ў Мінску. Плануецца, што адным з асістэнтаў Хэнлана стане трэнер мінскага "Дынама" Алег Мікульчык, а з іншымі кандыдатурамі канадзец вызначыцца пазней, інфармуе БЕЛТА.
Кантракт канадскага спецыяліста набыў моц 1 ліпеня і разлічаны на два гады. Потым ён можа быць працягнуты яшчэ на адзін год.
Фота — isport.blesk.cz
