Хакейныя зборныя Беларусі і Расіі не дапусцяць да чэмпіянату свету 2023 года
Хакейныя зборныя Беларусі і Расіі не дапусцяць да чэмпіянату свету 2023 года. Гэта пацвердзіла Міжнародная федэрацыя хакея. Само першынство цяпер афіцыйна перанесена з Санкт-Пецярбурга ў Рыгу і Тамперэ (Латвію і Фінляндыю).
Беларускі і расійскі хакей засталіся без міжнародных спаборніцтваў з-за агрэсіі Расіі супраць Украіны. І зборная Беларусі, і зборная Расіі былі адхілены ад удзелу ў чэмпіянаце свету 2022 года, які праходзіць у Фінляндыі.
Не выключана, што зборныя адправяць у другі дывізіён.
