Гродзенец паскардзіўся ў міліцыю на казіно, дзе прайграў усю пенсію
Гульнявыя аўтаматы, ілюстрацыйнае фота / pixabay.com
Гродзенскі пенсіянер паскардзіўся ў міліцыю на гульнявы клуб, паведамляе прэс-служба УУС аблвыканкама.
Мужчына кажа, што зайшоў у адну з мясцовых ігральных устаноў, каб наведаць прыбіральню. Аднак не ўтрымаўся, пачаў гуляць і прайграў пенсію.
Гродзенец быў вельмі здзіўлены, што яму не далі хоць які-небудзь бонус.
У міліцыі зарэгістравалі яго паведамленне і паабяцалі правесці праверку.
