Брытанская разведка: Расія спрабуе паказаць армію Беларусі як антынатаўскую
Вучэнні ў Беларусі / Міністэрства абароны РБ
Расія імкнецца прадставіць беларускае войска як апанента NATO, мяркуюць у разведцы брытанскага Міністэрства абароны. Так у ведамстве пракаментавалі вучэнні на мяжы Беларусі з Польшчай і Літвой, якія пачаліся 7 жніўня.
У Мінабароны Брытаніі сумняваюцца, што 6-я асобная механізаваная брыгада, задзейнічаная ў вучэннях, прайшла разгортванне і ўжо цяпер баяздольная.
Публікацыя Міністэрства абароны Вялікабрытаніі
(4/4) However, Russia is almost certainly keen to promote Belarussian forces as posturing against NATO.
— Ministry of Defence 🇬🇧 (@DefenceHQ) August 11, 2023
Там мяркуюць, што гэтыя вучэнні — частка трэніровачнага цыклу. Аднак не адмаўляюць, што ў іх можа быць задзейнічаная невялікая колькасць наймітаў ПВК Вагнера.
