Беларусь трапіла ў топ краін свету з самым высокім узроўнем разводаў

Амерыканская кампанія Petrelli Previtera правяла даследванне, згодна з якім Беларусь заняла 6-е месца сярод краін з самым высокім узроўнем разводаў у свеце (3,7 выпадкаў на 1 тысячу чалавек).

У рэйтынгу наша краіна саступае толькі Мальдывам, Казахстану, Гуаму, Расіі і Малдове.

Сярод галоўных прычын развалу шлюбаў у Беларусі даследчыкі вылучаюць празмернае ужыванне алкаголю, праблемы з працай і жыллёвыя пытанні, беднсць, гвалт у сям’і. Таксама яны звяртаюць увагу на тое, што ў Белрарусі можна даволі лёгка скасоўваць шлюбы.