Артысты Гродзенскага драмтэатра далучыліся да агульнанацыянальнай забастоўкі
Артысты Гродзенскага драмтэатра далучыліся да агульнанацыянальнай забастоўкі
Супрацоўнікі Гродзенскага аблдрамтэатра далучыліся да агульнанацыянальнай забастоўкі.
"За сваю грамадзянскую пазіцыю былі звольненыя Генадзь Мушперт — галоўны рэжысёр тэатра, і заслужаны артыст і рэжысёр Сяргей Курыленка", — кажуць у відэазвароце артысты. — "Мы не бачым далейшага творчага працэсу ў дадзенай сітуацыі. І частка нашай трупы далучаецца да агульнанацыянальнай забастоўкі".
Яны заяўляюць, што падзяляюць грамадзянскую пазіцыю звольненых і выступаюць супраць хлусні і гвалту.
"Мы выступаем за аднаўленне законнасці ў нашай краіне, за вызваленне ўсіх палітычных зняволеных і за новыя празрыстыя выбары", — кажуць супрацоўнікі тэатра.
Неаднаразовыя спробы наладзіць дыялог з кіраўніцтвам тэатрам не ўвянчаліся поспехам.
Рэпрэсіі супраць дзеячаў культуры, якія выступілі з асуджэннем гвалту і фальсіфікацый выбараў адбываюцца паўсюдна. Так учора Беларускі фонд культурнай салідарнасці паведаміў, што з аркестра Вялікага тэатра оперы і балета звольненая першая скрыпка Рэгіна Саркісава, якая падпісала ліст дзеячаў культуры, а таксама скрыпачка Ала Джыган і брачыстка Аляксандра Пацеміна.
Таксама па паведамленнях Фонду культурнай салідарнасці звольнены дырыжор Андрэй Галанаў. Ён прымаў удзел у запісе звароту культурных дзеячаў у падтрымку Народнага ультыматуму.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.