90 гадоў таму нарадзіўся выбітны літаратуразнаўца і гісторык Адам Мальдзіс

90 гадоў таму, 7 жніўня 1932-га, нарадзіўся выбітны літаратуразнаўца і гісторык Адам Мальдзіс. Ён крыху не дажыў да юбілею – памёр у студзені 2022-га.

Навуковец даследаваў гісторыю беларускай культуры і літаратуры XVII-XIX стагоддзяў, беларуска-польскія і беларуска-літоўскія літаратурныя ўзаемасувязі. Адна з самых вядомых яго кніг на гістарычныя тэмы — "Беларусь у люстэрку мемуарнай літаратуры XVIII стагоддзя: Нарысы быту і звычаяў" (другое выданне выйшла пад назвай "Як жылі нашы продкі ў XVII стагоддзі").

Ад пачатку 1990-х быў дырэктарам Нацыянальнага навукова-асветніцкага цэнтра імя Францішка Скарыны.

Адам Мальдзіс быў блізкім сябрам Уладзіміра Караткевіча, пра якога напісаў кнігу ўспамінаў "Жыццё і ўзнясенне Уладзіміра Караткевіча: Партрэт пісьменніка і чалавека".