Жыхар Верхнядзвінска прадае Леніна і Маркса, знойдзеных у лесе
Бюсты Леніна і Маркса, знойдзеныя ў лесе / kufar.by
Жыхар Верхнядзвінска выставіў на продаж бетонныя бюсты Карла Маркса і Уладзіміра Леніна, заўважыў сайт "Народныя навіны Віцебска".
Мужчына знайшоў бетонныя бюсты "правадыроў пралетарыяту" недзе на ўскрайку лесу і выставіў іх на папулярную гандлёвую пляцоўку.
Хутчэй за ўсё яму трапіліся тыповыя выявы ідэолагаў камунізму, якія ў апошнія дзесяцігоддзі СССР штампаваліся з бетону тысячамі. Не выключана, што знойдзеныя бюсты раней "упрыгожвалі" пляцоўку перад праўленнем мясцовага калгаса.
