Вынік забегу Мазуронак у Лос-Анджэлесе не залічаць у алімпійскі нарматыў
Вольга Мазуронак / athletics.africa
Вынік забегу Вольгі Мазуронак на марафоне ў Лос-Анжэлесе, відавочна, не будзе залічаны ў якасці алімпійскага нарматыву, піша тг-канал "Робім ногі".
У Лос-Анджэлесе перапады вышыні складаюць 122 метры, а паводле стандартаў World Athletics мусіць быць не больш за 42 м. Таму на гэтым марафоне рэкорды свету не фіксуюцца, а ўсе іншыя вынікі лічацца неафіцыйнымі.
Блытаніна ўзнікла праз тое, што арганізатары марафона анансавалі алімпійскі нарматыў як мэту Вольгі Мазуронак на забег.
Як распавядала Еўрарадыё, на марафоне ў Лос-Анджэлесе наша суайчынніца заняла другое месца. Яна прабегла 42 кіламетры 195 метраў і паказала вынік 2:25:48 — гэтага дастаткова для алімпійскага нарматыву.
