Вікторыя Азаранка прайграла ў паўфінале тэніснага турніру ў Маямі

Беларуская тэнісістка Вікторыя Азаранка (32-е месца ў рэйтынгу WTA) прайграла ў паўфінале турніру ў Маямі.

Яна саступіла прадстаўніцы Казахстана Алене Рыбакінай (4) — 4:6, 6:0, 6:7 (2:7). Сустрэча доўжылася 2 гадзіны 33 хвіліны.

У фінальным матчы саперніцай Рыбакінай будзе амерыканка Даніэль Колінз (53).

Дарэчы, раней Азаранка тройчы станавілася пераможцай гэтага турніру (2009, 2011, 2016).