Венгрыя лабіруе зняццё часткі санкцый з Мінска — амбасадар Беларусі
Прэм'ер Венгрыі Віктар Орбан і Аляксандр Лукашэнка / БЕЛТА
Венгрыя змудраецца супрацоўнічаць з Беларуссю нягледзячы на санкцыі Еўрасаюза. Пра гэта ў эфіры тэлеканала "Беларусь 1" заявіў амбасадара Беларусі ў Венгрыі Уладзімір Улаховіч.
Дыпламат таксама паведаміў, што афіцыйны Будапешт лабіруе зняццё санкцый з беларускай дрэваапрацоўкі.
"Для нас самае адчувальнае — гэта страты ў нашым экспартным партфелі. Яны датычаць санкцыйнай прадукцыі: гэта мінеральныя ўгнаенні, якія сюды пастаўляліся, дрэваапрацоўка. Дарэчы, па дрэваапрацоўцы нашы венгерскія партнёры з'яўляюцца своеасаблівымі лабістамі для таго, каб хаця б прабіць квоты па пелетах, якія вельмі запатрабаваныя на еўрапейскім рынку", — заявіў Улаховіч.
Таксама ён паведаміў, што пасля нядаўняга візіту кіраўніка беларускага МЗС у Венгрыю ўзнікла новая тэма ўзаемадзеяння — у энергетычнай атамнай сферы. Па словах Улаховіча, бакі дамовіліся стварыць экспертную групу.
Міністр замежных спраў Беларусі Сяргей Алейнік наведаў Венгрыю на мінулым тыдні. А ў лютым кіраўнік венгерскага МЗС Петэр Сіярта прылятаў у Беларусь.
