Ураджэнец Беларусі трымаў у Пецярбургу на ланцугу 12-гадовую дачку і збіваў яе
Беларус трымаў 12-гадовую дачку на ланцугу / t.me/procspb
43-гадовага ўраджэнца Віцебскай вобласці затрымалі ў Пецярбургу і адправілі ў СІЗА на два месяцы.
Следства заяўляе, што мужчына сістэматычна збіваў сваю 12-гадовую дачку, трымаў яе на ланцугу і пазбаўляў ежы, піша fontanka.ru.
Дзяўчынцы разам з бацькам жыла ў камунальнай кватэры. Калі яна трапіла ў бальніцу стала вядома, як бацька "выхоўваў" яе. Інспектару па справах непаўналетніх дзяўчынка распавяла, што бацька рэгулярна падымае на яе руку, цягае за валасы і можа замкнуць у пакоі без магчымасці выйсці ў прыбіральню, пакінуўшы толькі вядро.
Хаду расследавання кантралююць пракуратура Чырвонагвардзейскага раёна Пецярбурга і старшыня Следчага Камітэта Расіі Аляксандр Бастрыкін.
Ураджэнцу Беларусі пагражае ад 3 да 7 гадоў пазбаўлення волі.
