Украіна настроена далучыцца да санкцыяў ЕС супраць уладаў Беларусі

"Я хачу паглядзець на канчатковае юрыдычнае рашэнне, хто там у гэтым спісе. Але так, мы настроены далучыцца да гэтых санкцый, таму што тут ужо гаворка ідзе аб пытаннях паслядоўнасці палітык ", — заявіў міністр замежных спраў Украіны Дзмітрый Кулеба у інтэрв'ю BBC News Украіна.

Міністр замежных спраў адзначыў, што кошт такой салідарнасці Украіны нашмат вышэй, чым для краін Еўрасаюза або НАТО. Бо Украіна не знаходзіцца пад абаронай гэтых аб'яднанняў, а пашырэнне ўплыву Расіі ў Беларусі пагражае у тым ліку і ўкраінскай бяспекі.

"Украіна лічыць, што ў гэтай сітуацыі важна дзейнічаць адзіным фронтам. Мы робім усё, што ў нашых сілах, каб дапамагаць народу Беларусі ў гэтай складанай сітуацыі ", — растлумачыў Зміцер Кулеба.

23 верасня міністр замежных спраў заявіў, што Украіна не прызнае Аляксандра Лукашэнку легітымным прэзідэнтам Беларусі і не прызнае легітымнай яго інаўгурацыю.

1 кастрычніка лідары краін Еўрасаюза ўзгаднілі спіс беларускіх чыноўнікаў, супраць якіх увядуць персанальныя санкцыі. У гэтым спісе 40 прозвішчаў, але Аляксандра Лукашэнкі сярод іх няма.

Як паведаміў прэзідэнт Францыі Эммануэль Макрон, уключэнне Аляксандра Лукашэнкі ў санкцыйных спіс магло падарваць намаганні па яго прыцягненні да перамоўнага працэсу. Калі Лукашэнка не зможа наладзіць дыялог з уласным народам, да яго могуць увесці санкцыі ў будучыні, падкрэсліў Макрон.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.