У Ветцы з-за аварыі знікала святло
Жыхары раённага цэнтра былі без электрычнасці 16 хвілін / pixabay.com
У Ветцы ў Гомельскай вобласці з-за аварыі знікала святло. Як паведамляе "Гомельэнерга", здарэнне адбылося ў 06:53 у пятніцу, 15 снежня. Ужо праз 16 хвілін "электразабеспячэнне спажыўцоў было адноўлена". Цяпер спецыялісты высвятляюць прычыну "парушэння ў працы трансфарматара напружання" на падстанцыі "Ветка".
Горад Ветка — раённы цэнтр. У ім жыве больш за 8 тысяч чалавек.
