У Расіі заблакаваны самы буйны шахматны партал свету — chess.com

У Расіі заблакавалі адзін з самых папулярных шахматных сайтаў свету — chess.com. Доступ абмежавалі да дзвюх старонак сайта, якія змяшчаюць інфармацыю пра вайну ва Украіне. Але паколькі сайт выкарыстоўвае сеткавы пратакол https, блакаванне адной старонкі прыводзіць да недаступнасці ўсяго сайта.

Chess.com заблакаваны па патрабаванні Генпракуратуры РФ ад 23 красавіка. Да гэтага абмежаваць да яго доступ заклікаў расійскі гросмайстар Сяргей Каракін. Яму не падабалася, што сайт замяняе расійскага сцяга ў шахматыстаў з Расіі на нейтральны і піша пра вайну ва Украіне.