У пятніцу ў Беларусі будзе ад +14 да +20
Вясна, ілюстрацыйнае фота / pixabay.com
У пятніцу, 12 красавіка, у Беларусі будзе воблачна з праясненнямі, паведамляе Белгідрамет.
Будзе пераважна без ападкаў, толькі ўначы месцамі па поўначы краіны пройдуць невялікія кароткачасовыя дажджы. Вецер прагназуецца заходні ўмераны. Зранку і ўдзень вецер чакаецца парывісты, месцамі моцны парывісты — да 15-18 метраў за секунду.
Тэрмометры ўначы пакажуць 4-10 цяпла, удзень паветра прагрэецца да +14...+20.
