У Мазыры аўтобус з пасажырамі пратараніў агароджу і заехаў на прыватны ўчастак

У Мазыры рэйсавы аўтобус №6 пратараніў агароджу і заехаў на тэрыторыю прыватнага дома. У гэты момант у ім знаходзіліся пасажыры.

Праз тэхнічную няспраўнасць аўтобуса кіроўца не змог справіцца з кіраваннем і заехаў на чужы ўчастак, адначасна знёсшы плот і ўрэзаўшыся ў аўтамабіль Volkswagem Passat. Вінаватым палічылі кіроўцу, бо ён не праверыў тэхнічны стан аўтобуса перад рэйсам.