У Маскве заявілі пра магчымасць разавых паставак нафты ў Беларусь

Як паведамляе ТАСС са спасылкай на крыніцу ва ўрадавых колах Расіі, Мінск і Масква знайшлі часовы варыянт аднаўлення паставак нафты на беларускія НПЗ — да заканчэння "нафтавых" перамоў. Гаворка ідзе пра разавыя пастаўкі з рэсурсаў незалежных пастаўшчыкоў. Пагадненне можа быць дасягнута ўжо ў найбліжэйшы час, а пакуль гэты варыянт "аператыўна прапрацоўваецца". Адзначаецца, што яго прапанаваў беларускі бок. Гэтыя пастаўкі павялічылі б запасы нафты на нафтаперапрацоўчых заводах.
 
Аляксандр Лукашэнка яшчэ 31 снежня даў даручэнне арганізаваць альтэрнатыўныя пастаўкі нафты ў Беларусь. У Літве заявілі, што іх інфраструктура дазваляе паставіць за год 3 млн тон нафты з 18 млн тон, якія закупляе наша краіна. Аднак з клайпедскага порта нафту давядзецца транспартаваць па чыгунцы. На запуск праекта літоўскаму боку неабходна да двух тыдняў.

Тым часам апытаныя ТАСС аналітыкі мяркуюць, што нафтавы крызіс вырашыцца для Беларусі ў найбліжэйшы час і не зробіць негатыўнага ўплыву на беларускія НПЗ.