У Гродна ўпершыню за тры гады паказалі “Тутэйшых” (фота)
Адноўленая пастаноўка лялечнага тэатра сабрала поўную залу.
Гэтая пастаноўка для дарослых ўжо стала культавай сярод гарадзенцаў. У наступным годзе спектакль адсвяткуе чвэрць стагоддзя на сцэне.
"Тутэйшых" у гродзенскім лялечным тэатры не паказвалі апошнія тры гады. За гэты час у спектаклі паспеў памяняцца адзін з чатырох акцёраў - замест звольніўшагася былога дырэктара тэатра Аляксандра Ігнаценка, які выконваў ў спектаклі ролю ўсходняга вучонага, цяпер яе выконвае Васіль Прабадзяк.
На спектаклі 9 кастрычніка ў залі было толькі некалькі вольных месцаў, паведамляе tut.by.
