У Гомелі затрымалі дырэктара тэлерадыёкампаніі "ФілТВ"
Віталь Філінскі / старонка Вконтакте
Дырэктара тэлерадыёкампаніі "ФілТВ" Віталя Філінскага затрымалі ў Гомелі, паведамляе "Гомельская Вясна".
Бізнесоўца судзілі па абвінавачанні ў распаўсюдзе "экстрэмісцкіх матэрыялаў". 22 сакавіка яго справу ў судзе Цэнтральнага раёна Гомеля разглядала суддзя Алеся Восіпава. Які прысуд яна вынесла, праваабаронцам невядома.
Кампанія "ФілТВ" створаная ў 1996 годзе. Асноўным напрамкам яе дзейнасці з'яўляецца рэклама на тэлебачанні. Філінскі — сябра грамадскага аб'яднання "Адзінства", якое спрыяе развіццю прыватнага прадпрымальніцтва.
