У Беларускай Праваслаўнай Царкве прызначаны новы прэс-сакратар

Іерэй Ігар Васько на пасадзе прэс-сакратара БПЦ, старшыні яе Сінадальнага інфармацыйнага аддзела змяніў іераманаха Афанасія (Сакалова), які прызначаны рэктарам Мінскай духоўнай акадэміі. Іераманах Афанасій працаваў з лістапада мінулага года. Раней гэтую пасаду займаў протаіерэй Сергій Лепін. Пасля рэзкага асуджэння дзеянняў сілавікоў, якія руйнавалі мемарыялы памяці забітага на "Плошчы Пераменаў" у Мінску пратэстоўца Рамана Бандарэнкі, протаіерэй атрымаў папярэджанне ад генпракуратуры (перад гэтым было эмацыйнае выказванне Аляксандра Лукашэнкі). Ён напісаў заяву на звальненне.